Modern Spoken Cambodian – Lesson 21

LESSON 21. RECEIVING GUESTS
[Tape 37]
A. DIALOGUE
១. អូន​គិត​ថា​មាន​ផ្ញៀវ​មក​ប្រហែល​ប៉ុន្មាន​នាក់ ?
២. ចាស មាន​តែ​បី​នាក់​ទេ គឺ៖ បង​ខ្ញុំ បង​ថ្លៃ​ស្រី ហើយនិង​កូន​គាត់ ។
៣. នោះម៉ាក់ ខ្ញុំ​ឃើញ​អ៊ំ​ដើរ​មក​ហើយ ។
៤. មាន​មនុស្ស​ចំឡែក​មក​ជាមួយ​អ៊ំ​ផង ។
៥. កូន​ឯង​ទៅ​បើក​ទ្វារ​ឲ្យ​អ៊ំ​ចូល​ផង ។
៦. ជំរាបសួរ​លោកអ៊ំ សុខ​សប្បាយ​ជា​ទេ ?
៧. អរគុនណ​ក្មួយ ។
៨. សារ៉ន មក​សំពះសួរ​លោកពូ ។
៩. យូរ​ណាស់​មក​ហើយ​បង​មិនដែល​មក​លេង​សោះ ។
១០. អូ មាន​ការ​ច្រើន​ណាស់ មក​លេង​ញឹកញាប់​មិន​បាន​ទេ ។
១១. ខ្ញុំ​នាំ​លោក Smith មក​លេង​ប្អូន​ឯង គាត់​ធ្វើការ​ជាមួយ​ខ្ញុំ ។
១២. សូន​អញ្ជើញ​ឡើង​ផ្ទះ ។
១៣. លោក Smith នេះ​ម្តាយក្មេក​ខ្ញុំ ។
១៤. លើក​ដៃ​ថ្វាយ​ព្រះ ។
១៥. ម៉ែ លោក Smith នេះ​ធ្វើការ​ក្នុង​ក្រុមហ៊ុន​បង​រៀម ។
១៦. កូន ចៅ​ប្រុស​មិន​មក​ទេ​ឬ ?
១៧. បាទ មក វា​ទៅ​ជិះ​កង់​លេង​ជាមួយ​អាប៊ុត​ហើយ ។
១៨. លោក​អង្គុយ​លើ​កៅអី​ទៅ ខ្ញុំ​អង្គុយ​នៅ​លើ​ក្ដារ​ងឿ ។
១៩. សូម​អញ្ជើញ​ពិសា​បារី ។
២០. ខ្ញុំ​មាន​តែ​បារី​ខ្មែរ​ទេ ប្រហែល​ខ្លាំង​បន្តិច​ហើយ ។
២១. បាទ បារី​ខ្មែរ​មិនសូវ​ខ្លាំង​ប៉ុន្មាន​ទេ ។
២២. ខ្ញុំ​ធ្លាប់ជក់​តែ​រាល់​ថ្ងៃ ។
២៣. លោក​ចង់​ញ៉ាំ​ស្រា​ទេ ?
២៤. អរគុណ ស្រា​នេះ​ធ្វើ​អំពី​ស្រូវ មែន​ឬ ?
២៥. បាទ មែនហើយ ។
២៦. ខ្ញុំ​ញ៉ាំ​ស្រា​មិន​បាន​ទេ ខ្ញុំ​ឆាប់​ស្រវិង​ណាស់ ។
២៧. ស្រី ៗ ទៅ​ណា​បាត់​អស់​ហើយ ?
២៨. គេ​នាំគ្នា​ទៅនិយាយ​លេង​នៅ​ក្នុង​ផ្ទះបាយ ។
២៩. អើ អនចេញ​មក​ហើយ ។
៣០. អម្បាញ់មិញ​នេះ​ យើង​កំពុងតែ​និយាយ​អំពី​អន​ឯង ។
៣១. ម្ហូប​ចំណី​ហើយឬនៅ ?
៣២. ចាស រួច​ហើយ ។
៣៣. បង​ឃ្លាន​បាយ​ទេ ?
៣៤. អូ ឃ្លាន​សឹង​តែ​ដាច់​ពោះ​ស្លាប់​ហើយ ។